-- وين بيها يا احميدة؟
-- حق مولاي لحسن لازم نجيبوه.
-- شكون مولاك لحسن هذا يا احميدة؟
--هذا ولي من اولياء الله الصالحين. لازم نزوروه كل ما مشينا طريق عين صالح تمنراست.
-- والفايدة؟
-- الفايدة..البركة يالشيخ..فايدة كبيرة..18 سنة و انا نخدم الطريق هذه عمري ما صراتلي حاجة ..لا أكسيدات لا والو.
-- يعني في رايك مولاك لحسن هو اللي ظل يحميك هذه المدة كامل؟
-- إيّه يا شيخ...هذا ولي الله و عنده حظوة عند رب العالمين.
--هذا شرك بالله يا حميدة.
وصلنا إلى دوران توسطته بناية طُليت بالأبيض . فهمت ان هذا البناء هو ضريح هذا الذي يقول عنه احميدة أنه ولي الله الصالح. قام احميدة بالإلتفاف حول البناء دورة كاملة و اتبعها بثانية ثم ثالثة. أخذنا انا و لوركان و إيغابي ننظر الى بعضنا في دهشة و تعجب مما يفعله السائق. طلب مني الايرلندي أن أشرح له ما يفعله احميدة.
-- هو يطلب البركة و الحماية من شخص يقال إنه صالح مدفون في هذه البناية البيضاء وسط هذه النقطة الدائرية - الدوار-
-- نبي ؟
-- لا...شخص يشهد له الناس أنه رجل صالح فعل أشياء خارقة لا يفعلها البشر.
-- تقصد معجزات؟
-- تقريبا..المعجزات فعلها الانبياء...اما هؤلاء فليسوا بانبياء..هم عاشوا في طاعة الله و عبادته وابتعدوا عن المحرمات و المعاصي...كالقديسين في مسيحيتكم.
-- انا لا أؤمن بذلك..قرأت عن الاسلام أن الناس سواسية و لافرق بينهم وان إلهكم هو وحده من يمنح الرزق و الأجل. و هذا ما أعجبني في دينكم.
--انا ايضا لاأعتقد في ذلك. الله هو الضار و النافع...لا مخلوق قادر على ذلك.
-- يا أحميدة ..حبس علينا هذا الشيء...استغفر الله العظيم.
--لازم انكملوا سبع دورات يا شيخ...والو من نقدّ نحبس..هذه خلاوهنا الجدود ...حرام علينا.
-- الحرام هو اللي راك تدير فيه ..حبّس علينا الشرك هذا.و لا انزلنا هنا و كمل وحدك..
-- والو ياشيخ...رانا مسافرين مع بعض..نطوفوا مع بعض..نخاف ...ما زال ما وصلناش لتمنراست...كاش ما يصرالنا.
-- واش من طواف تحكي عليه؟ انت حاسب روحك في مكة ؟
-- واش درتو كي دخلتوا للجامع هذاك يا حميدة؟
-- تصدقنا بالشيء اللي كتب ربي ...و دعينا لمولاي لحسن
-- كل واحد يسافر على الطريق هذه يدير كيفكم؟
-- لا..الشناوة - يعني اصحاب الشمال - قليل اللي يجي يدور هنا. بصح اهل الصحراء لازم يدوروا سبع مرات و يتصدقوا.
-- هو ميت..شكون اللي يتصرف في اموال الصدقات؟
-- أنت ماك عارف واش يديرو بالاموال هذه يالشيخ..راها كاين بيوت هنا يرتاحوا فيها المسافرين..ياكلوا و يشربوا لوجه الله..و اللي يحب يبات كاين البيوت ..في سبيل الله.
أخبرت لوركان عن ذلك فاستحسن الفكرة و أخرج مفكرته ليدوٍّن ما شاهده و سمعه مع رسمة للجامع الموجود وسط النقطة الدائرية.
-- كم بقي و نصل الى تمنراست يا أحميدة؟
-- بربي ان شاء الله 3 سوايع و نكونوا في تمنراست.
-- ماشي قلت لنا بقت 150 كلم ؟
-- والو..قلت 250 كلم. مابقاش ياسر..رانا دخلنا في منطقة الهقار..حكينا عليها.
-- حكيت لنا على تينهينان و حبست.
--هذيك في أبلسة ...قلت لنا حاجة على الهقار بصح ما كملتش.
-- واش تعرف على الهقار يا شيخ؟
--واش نعرف عليه؟ ماركة نتاع دخان ...العلبة نتاعو مصور فيها ثلاثة توارق مريحين و واحد يسربيهم لاتاي.
-- واش تاني؟
-- جبال صخرية فيها قمة تاهات و خلاص.
-- هذه الهقار يا شيخ فيها تاريخ كبير.أقدم حضارة في التاريخ. تسمع بجداريات الهقار؟ تسمع بأسكرام؟
-- نسمع بأسكرام...بصح ما روحتلهاش . يقولوا أن بها أجمل غروب للشمس في العالم.
-- كاينة يالشيخ. كانت الالاف من الاوروبيين يجوا لتمنراست غير باش يروحوا لاسكرام. كانت الحالة ماشية على الشعرة...كنا نخدموا الطريق هذيك يوميا يالشيخ.
-- شحال بعيدة؟
-- نحكموا 5 سوايع باش نوصلوها..تنقصنا الطريق..
كان لوركان يتفقد خريطته حين سمعنا نتحدث عن أسكرام. طلب مني ان أحدثه عنها. تفقد خريطته مجددا بحثا عنها حتى وجدها.
-- لقد قرأت عنها من قبل. إن بها أجمل غروب في العالم. كيف لبلد به كل هذه المناظر ان لا يأتيه هؤلاء الذين يضيعون وقتهم في البلدان الاروبية و جنوب آسيا؟ أنظرمعي الى هذه الخريطة...قمة أسكرام هنا..و تمنراست هنا...لا يوجد طريق معبّد يوصلنا إليها. لا توجد لا فنادق و لا مطاعم هناك..أنتم شعب...أنتم شعب...لا أجد الكلمة المناسبة.
ليست هناك تعليقات:
إرسال تعليق