أثناء تصفحي لموقع عرب تايمز لصاحبه المشاكس أسامة فوزي لفت نظري خبر في الشريط الاخباري للموقع يتعلق بفيديو لقصيدة للشاعر العراقي عباس جيجان في رثاء الرئيس العراقي الشهيد صدام حسين و الذي أعدم فجر يوم من أقدس أيام المسلمين وهو يوم عيد الأضحى.هذا الفيديو تمت مشاهدته من قبل 1065000 زائر و هو رقم قياسي. وهذه هي القصيدة
استمع للقصيدة بالنقر على عنوانها هنا " target="_blank">' target=_blank>وية الفجر
ويه الفجر
يوم العيد
وي نحر النحور
صدام قدم للوطن روحه
إجه مثل ألأسد مجروح
يمشي وتضحك جروحه
هم شايف جبل ينكاد
وإذا شفت الجبل مكيود
تلكه العله بسفوحه
مثل النخل مات وكوف
شاخص شامخه صروحه
لك لو هيجي الرجال تموت
لو غم الرجال بموت ماصخ مابه ملوحه
بجيت على الزمان الضمك بلوحه
بجى حتى الفرات عليك
ونهر دجله إنتحر موحه
إذا ً تستاهل عليك ينوح
شاعر ما بطل نوحه
لأن إنته الوحيد إلذي خليت
المشانق للرجال تصير مرجوحه
رغد يا رغد لا تبجين
بس دمعة حزن للزين مسموحه
أبوج ألكتب إسمه بجبهة التاريخ
كعبه الوطن عنده وعاليه سطوحه
الزمن يشهد لأبو ألليثيت
ولو آنه شهادتي بصدام مجروحه
ما دنك براسه وإنحنى للجلاد
رغم سلسلوا رجله وشدوا جفوفه
رفض يلبس نكاب الموت
وضحك على الموت سنه وعيننه تشوفه
عجل والله يتباهى يسجل التاريخ
عنه وتكتب حروفه
مو حبل العلى الركبه طلع ملفوف
ركبه على الحبل طلعت الملفوفه
إذا ًحقها العرب تحزن عليه وتنوح
وكع خيالها والشمس مكسوفه
من زغره عجيد عنيد وضد الأستعمار
ابوج الوصل سابع جار معروفه
وإذا البصره حزنت مصباح يوم العيد
يم تكريت طلعت تلطم الكوفه
وإجت نينوى محنية ظهر وتصيح
وين ابن الرمادي الباشطه سيوفه
سووها العلوج ودنسوا بغداد
وعاصمة الرشيد اصبحت مجتوفه
إذا ً تستاهل عليك ينوح
شاعر ما بطل نوحه
لأن إنته الوحيد إلذي خليت
المشانق للرجال تصير مرجوحه
هناك 3 تعليقات:
لعنة الله على صدام وعلى من احب صدام الى يوم الدين . هذا المجرم قتل الملايين من العراقيين وغير ومن احبه فهو اما مجرم مثله او مستفيد منه
كان رجل بمعني الكلمة و تأمر عليه الكلاب و قتلوه و ها هم يتساقطون واحد بعد الاخر بمساعدة الله و شعوبهم - صدام قتلوه الغزاة و الله الان بنصره عليهم و هم يفرون خوفا
صدام حسين سيف العرب
إرسال تعليق